كيف تتعاملين مع طفل عنيد في عمر 6-7 سنوات؟

تعلّمي كيف تتعاملين مع الطفل العنيد في عمر 6 إلى 7 سنوات بطريقة إيجابية وفعّالة. اكتشفي خصائص الطفل العنيد واستراتيجيات التربية التي تعزز العلاقة الصحية بينك وبين طفلك.

في البداية، خلينا نحاول نعرّف مع بعض بعض صفات الطفل العنيد علشان نقدر نتعامل معاه بشكل إيجابي يقوي العلاقة بين الأم والطفل.

ما هو الطفل العنيد؟

العناد في السن ده بيكون سلوك شائع جدًا. لأنه في مرحلة 6-7 سنوات بيبدأ الطفل يكون شخصيته ويثبت استقلاله. لكن بعض الأطفال بيظهروا عناد أكتر من غيرهم.

👦الطفل العنيد ممكن يكون عنده بعض الصفات التالية:

عنده آراء قوية وما بيخافش يعبر عنها. بيكون عارف هو عايز إيه ومش عايز إيه، وبيقدر يعبر عن رأيه حتى لو ده هيزعّل اللي حواليه. عنده عزيمة وإصرار. بيكمل في طريقه حتى لو واجه تحديات، ومش بيستسلم بسهولة. مستقل وبيحب يتحكم في قراراته. مش بيحب حد يملي عليه يعمل إيه. بيتعصب بسرعة لو الأمور مش ماشية على مزاجه. أحيانًا ده بيؤدي لنوبات غضب أو بكاء شديد. ما بيستحملش الإحباط. يعني لو خسر أو اتقال له “لا”، ممكن يبقى عصبي أو يتصرف بعدوانية. بيرفض الأوامر بسهولة وبيجادل. ممكن تلاقيه دايمًا بيقول “ليه؟” أو “مش عايز!” حتى في الحاجات البسيطة. ما بيحبش يغيّر رأيه أو يتنازل. ساعات بيكون عنده صعوبة في المرونة أو التفاهم. لكن كمان.. عنده قدرة ملاحظة عالية. بيركز في اللي بيحصل حواليه وعنده قدرة تحليل حلوة.

لكن مهم نعرف إن مش كل طفل عنده صفة من دول يعتبر عنيد، ومش كل طفل عنيد بيكون عنده كل الصفات دي. كل طفل مختلف وفريد.

ولو حسيتي إن سلوك ابنك أو بنتك خارج عن السيطرة، دايمًا ممكن تستشيري طبيب أطفال أو أخصائي نفسي للأطفال.

طب إزاي أتعامل مع طفل عنيد؟

فيه شوية نصائح ممكن تساعدك:

1. خليكي هادية وإيجابية

الصريخ أو العصبيةr بيزودوا العناد. حاولي تتنفسي بهدوء وشوفي الموقف من وجهة نظر الطفل.

2. قدّمي اختيارات

بدل ما تقولي “البسي التيشيرت الأبيض”، قولي “تحبي تلبسي التيشيرت الأزرق ولا الأخضر؟”. كده هتحسيه إنه متحكم في حياته.

3. شجّعيه على السلوك الجيد

امدحيه على كل حاجة بيعملها صح، حتى لو بسيطة. ممكن كمان تعملي نظام مكافآت زي جدول النجوم.

4. التزمي بالثبات

لو استسلمتي لمرة، هيجرب تاني. خلي القواعد واضحة، وكوني ثابتة في تنفيذها.

5. تجاهلي الحاجات البسيطة

مش كل حاجة تستاهل تعليق. لو طول الوقت بتعلقي، الطفل هيبقى عنيد أكتر. ركزي على الإيجابيات

6. استخدمي الـ “تايم آوت”لو حصل نوبة