في الأسبوع الحادي عشر من الحمل، يقترب الغثيان من نهايته، ويبدأ الجنين بالحركة، ويُنصح بتناول وجبات صغيرة وصحية للحفاظ على النشاط.
دلوقتي أنتِ بتدخلي على آخر أسبوعين في أول تريمستر من الحمل 👏
البيبي بقى طوله حوالي 4 سم، يعني تقريبًا قد حبة الفراولة 🍓
بدأ يتحرك جواكي فعلاً، بس لسه بدري شوية على إنك تحسي بالحركة دي.
ممكن تكوني لسه بتحسي بغثيان، بس قربت جدًا المرحلة دي تخلص، وهرمون الحمل
(HCG) هيبدأ يقل تدريجيًا.
في المقابل، هرمون الإستروجين والبروجسترون لسه مرتفعين، وده ممكن يخليكي حساسة شوية ومزاجك متقلب.
حاولي تاكلي وجبات صغيرة على مدار اليوم بدل 3 وجبات كبار، وركزي على الحبوب الكاملة، الخضار، الفاكهة، والبروتين.
ممكن تبدأي تحسي إن بنطالك القديم بقى ديق شوية حوالين الوسط، وده طبيعي جدًا.
بس بلاش لبس ضيق، خليه مريح عشان الدورة الدموية تبقى كويسة.
