في الأسبوع السادس من الحمل، تبدأ أعراض الحمل الحقيقية في الظهور مثل الدور وتقلب المزاج، ويكون الوقت مناسب لاختيار الطبيب ومناقشة الخطط القادمة مع الزوج.
في المرحلة دي، حجم البيبي تقريبًا قد العدس، ولسه شكلك مش باين عليك إنك حامل خالص.
لسه في بداية المشوار، يعني تقريبًا في نص الشهر التاني من الحمل.
كتير من السيدات بيكتشفوا الحمل حوالين الأسبوع ده، مش قبله ومش بعده بكتير.
غالبًا بيكون في الأسبوع الخامس أو السادس لما بتتأخري في الدورة، وتبدأي تحسي بدوخة أو نعاس أو تعب، فتقرري تعملي تحليل د
الهرمونات اللي بتتقلب في جسمك هتخلي مزاجك كده مرة فوق ومرة تحت، بس مجرد معرفتك إن السبب هو الحمل ممكن يخليكي تهدي شوية.
دلوقتي بقى بعد ما تأكدتِ 100% إنك حامل، اختاري دكتور شاطر ومضمون تتابعي معاه.
ابدئي كمان تتكلمي مع جوزك في خططكم الجاية، زي مشاريع بسيطة أو حاجات نفسكوا تخلصوها قبل الولادة.
واتكلموا سوا عن أفكاركم وطموحاتكم ناحية البيبي.
حاولي تخليه يرافقك في زيارات الدكتور، وجوده بيفرق كتير نفسيًا وعاطفيًا.
كمان ممكن تحسي بتوتر في العيادة وتنسي نص الكلام اللي بيقوله الدكتور، فوجود شخص معاكي بيطمنك ويساعدك تفتكري المعلومات.
خلي بالك، من دلوقتي ولحد الشهر الرابع، يفضل ما يحصلش علاقة كاملة أكتر من مرة في الأسبوع.
ولو حصل أي ألم أو نزيف، وقفي فورًا واستشيري الدكتور.
