في الأسبوع التاسع من الحمل، تبلغ أعراض الغثيان والقيء ذروتها، ويُعتبر الالتزام بالغذاء الصحي والفوليك أسيد أمرًا ضروريًا لنمو الجنين السليم.
لسه شكلك مش باين عليه الحمل، لكن الأعراض شغالة على أعلى مستوى!
الغثيان، تقلب المزاج، والقيء بيكونوا في ذروتهم دلوقتي. بس صدقيني، كم أسبوع وهيعدّوا.
دلوقتي لازم تهتمي أكتر بنظامك الغذائي:
خلي أكلك فيه بروتين، لبن ومنتجاته، فواكه وخضار، وابتعدي عن الأكل الدهني عشان ما يزيدش الغثيان.
المرحلة دي مهمة جدًا، لازم تحافظي على صحتك وتلتزمي بالأدوية اللي وصفها لك الدكتور.
اعملي جدول بالأدوية والمواعيد وحطيه في مكان واضح.
النعاس والتعب مستمرين، فحاولي تاخدي قيلولة وقت ما تقدري.
ولما يجي لك الغثيان، جربي البسكويت المملح أو الزنجبيل، بس باعتدال.
مفروض كمان تكوني خلصتِ تحاليل الدم اللي طلبها منك الدكتور، لأنها بتحدد نوع الفيتامينات اللي هتحتاجيها.
الفوليك أسيد مهم جدًا في المرحلة دي، لأنه بيساعد في تكوين أعصاب وقلب ومخ البيبي.
